Wasiirka Wasaaradda Caafimaadka iyo daryeelka bulshada Xukuumadda Federaalka Soomaaliya Dr. Ali Haji Adam ayaa hor kacaya Shaqaalaha Wasaaradda Caafimaadka oo si wayn isugu diyaariyey ka qeyb qaadashada kacdoonka Shacabka ee ciribtirka kooxaha Khawaarijta.
Shaqaalaha Wasaaradda Caafimaadka ayaa saaka xilli hore soo xaadirey xarunta Wasaaradda Caafimaadka iyo daryeelka bulshada xukuumadda Federaalka Soomaaliya oo ay ka socotey qaban qaabada.
Bahda Caafimaadka Soomaaliya waxaa ka go’an heerkasta oo cadowga la isaga xureynayo in ay ka qeyb qaataan isla markaana ay heegan u yihiin ka jawaabidda baahiyaha Caafimaad ee imaan kara xilli kasta gaar ahaan inta uu socdo halganka xureynta ee ka socda dhamaan Dalka.
