Madaxweynaha maamulka Koofur-Galbeed ayaa gaaray degaanka Balli-Doogle ee gobolka Shabeelaha Hoose, halkas oo uu kulamo ku leeyahay saraakiisha ciidammada iyo qeybaha bulshada.
Socdaalka Shariif Xasan ayaa ku saabsan sidii looga shaqeyn lahaa ammaanka adkeynta gobolka iyo gaar ahaan waddada isku xirta Beydhabo iyo Muqdisho oo ay dadku aad u isticmaalaan.
Wariye Ibraahim Guudle Isaaq oo ka tirsan Radio Muqdisho ayaa ku soo warramaya in wafdiga madaxweynaha Koofur-Galbeed oo ay ku jiraan wasiirro ka tirsan maamulka ay kulamo la leeyihiin dadka degaanka oo ay ka codsanayaan in ciidamada qalabka sida ay la shaqeeyaan si looga adkaado kooxaha nabadda diidda.
Shariif Xasan ayaa sidoo kale booqday degmada Wanlaweyn oo uu kula kulmay dadweyne iyo saraakiil ka tirsan AMISOM.
Maamulka Koofur-Galbeed oo ah maamul KMG ah, wuxuu ka kooban yahay gobollada Baay, Bakool iyo Shabeelaha Hoose, caasimadda maamulkaas ayaa loo qorsheeyay degmada Baraawe ee gobolka Shabeelaha Hoose hase yeeshee waxuu hadda si KMG ah ugu shaqeeyaan magaalada Beydhabo ee xarunta gobolka Baay.
