Wasaaradda Difaaca Taiwan ayaa Maanta oo Khamiis ah sheegtay in 39 diyaaradood oo laga leeyahay dalka Shiinaha ay galeen aagga difaaca hawada Koonfur Bari ee dalkaasi.
Wasaaradda Difaaca ee Taiwan, ayaa warbixin ay soo saartay ku faahfaahisay dhaqdhaqaaqyada Shiinaha uu ka wado aagga difaaca Taiwan 24-kii saac ee la soo dhaafay.
Dhowr diyaaradood ayaa dul heehaabayay marin-biyoodka loo yaqaanno kanaalka Bashe, sida ku cad Sawirada khariidad ay wasaaraddu bixisay, sidokale wararka ayaa sheegaya in saddex markab oo laga leeyahay dalka Shiinaha lagu arkay meel u dhow jasiiraddaha Bari.
Xukuumadda Shiinaha ayaa sanadihii ugu dambeeyay xoojisay cadaadiska ka dhanka ah Taiwan, si ay u aqbasho xukunka Beijing.
