Daraasad dhawaan la sameeyey ayaa sheegaysa in shimbiraha dadka ku hogaamiya halka ay shinnidu joogto, iyo dadka malabka raadsanaya ee dalalka ka hooseeya saxaaraha in ay wadahadlaan.
Shinbirahaas oo loo yaqaanaa shinbir malab ama buli ayaa dadka hor duula oo ku hogaamiya halka ay shinnidu malabka ku samayso, dadku marka ay malabka ka miirtaan ayay surta ama kabarta uga tagaan oo shimbirahaasina malabka ka cunaan.
Laakin arrinta yaabka leh ayaa ah in marka ay shimbiruhu dhawaaqaan ay sugaan in ay maqlaan dhawaaq kale oo dadka ka imaanaya sida lagu qoray the journal Science. tijaabo laga sameeyey Mozambique ayaa arrintaas lagu ogaaday.
Richard Wrangham oo ka tirsan jaamacadda Harvard ayaa sheegay in shimbirahan aysan jeclayn dhawaaqa aadka u dheer ama aan caadiga ahayn, ayna sidaas uga doorbidaan bani’aadamka xayawaanka kale.
Waxaa la xaqiijiyey, kaddib markii la duubay, in marka shimbirahu ay wax hagayaan loogu dhawaaqo “brrrr-hm” ayagoo qofka u imaanaya 66%, marka la barbar dhigo 25% sida ay uga jawaabaan dhawaaqyada kale.
