Shir looga arrinsanayay sugidda Ammaanka Dalka Soomaaliya gaar ahaan goobaha la qorsheeyay in ay ka dhacaan doorashooyinka Madaxtinimo ee dalka ayaa maanta lagu qabtay Magaalada Muqdisho.
Kulanka oo socday laba maalin oo ka dhacay taliska ciidanka booliska Soomaaliyeed ayaa waxaa ka soo qeybgalay saraakiisha laamaha Ammaanka,Maamulka Gobalka Banaadir,AMISOM, saraakiil dowladda Soomaaliya ka taageerta tababarada ciidamada Amniga iyo masuuliyiinta wasaaradda Amniga Xukuumadda Federaalka SSomalia ayaa si hoose loogu eegayay dajinta qorshaha sugidda nabadgalyada goobaha ay doorashada ka dhaceyso.
Related posts
Afhayeenka Wasaaradda Amniga Mudane Cabdi kaamil Macalin Xirsi oo kualnaka kadib la hadlay Warbaahinta Qaranka ayaa sheegay in kulanka sidoo kale oo qeyb kayahay fikirado isdhaafsi ku aaddan sida ugu haboon ee loo ilaalin karo goobaha doorashada lagu qabanayo.
โKulanka waxaa soo agaasintay wasaaradda Amniga Gudaha, sida aad la socotaan waxaa la qorsheynayaa in doorasho ka dhacdo dalka, sidoo kale Ramadaankii ayaa nagu soo wajahan, waxaa mihiim noqotay in la dajiyo qorshe mideysan oo laamaha Ammaanku ugu diyaargaroobayaan sidii iyagoo mideysan ay u sugi lahaayeen amniga guudโ.ayuu yiri Mudane Cabdi kaamil
Ahayeenka Wasaaradda Amniga Mudane Cabdi kaamil Macalin Xirsi ayaa sheegay in kulanka ay ka soo bexeen qodobo muhiim ah oo suurtagalin doono in nabadgalyo ay ku qabsoomto Doorashada Soomaaliya, isagoo shacabka Soomaaliyeedna u rajeeyay guul iyo midnimo.
