Shirka oo ahaa mid furan oo lagu cabirayey aragtida waxgaradka gobolka ayaa waxaa lagu heshiiyey oo kasoo baxay qodobadan hoose.
1. Shirku waxuu bogaadiyey habka iyo hanaanka ay dawladda Puntland u martay
xakamaynta sicir bararka waxuuna ku booriyey ganacsatada in la qaato oo la socodsiiyo
lacagta shillin Soomaaliga iyadoo loo marayo talo bixintii ay soo saareen guddigii ay
dawladdu u saartay.
2. Shirku waxuu ku amaanay dawladda Puntland ka shaqaynta iyo dadaalka badan ee ay
galiyeen la dagaalanka ka ganacsiga mukhaadaraadka iyo maandooriyayaasha iyadoo in
kastoo laga dareemayo hoos u dhac balaaran ay hadana wali jiraan lagana dareemayo isticmaalka iyo ka ganacsiga mukhaadaraadka taasoo u baahan
in si wada jir ah shacab iyo dawladba wax looga qabto.
Waxa kaloo shirku soo jeediyey in beelaha gobolka iyo dawladdu iska kaashadaan xalinta
khilaafaadka ka dhasaha dhulalka laysku qabsado taasoo khalkhal galisa amaanka.
3. Shirku waxuu bogaadiyey is dhexgalka dadyowga kuwada dhaqan labada dhinac ee
gobolka Mudug ama labada maamul taasoo keentay inay kororto kalsoonidda iyo is
aaminaada dadka ku dhaqan gobolka.
4. Shirku waxuu soo dhawaynayaa shirka siyaasadeed ee ka qabsoomaya magaaladda
Dhuusamareeb waxuuna u rajaynayaa inay kasoo baxaan qodoba mira dhal ah oo looga
gudbo khilaafka hadda jira, horseedana doorasho laysala ogol yahay, xor iyo xalaal ah
ummadda Soommaliyeedna u horseeda midnimo iyo wadajir.
5. Shirku waxuu ugu baaqay dawladda Puntland gaar ahaan wasaaradda arrimaha
gudaha,dawladaha hoose iyo dimuqraadiyaynta inay bilowdo dhismaha golaha
deegaanka ee degmadda Gaalkacyo si loo baahiyo is maamulka shacabka loogana
baaqsado in hakad ku yimaado mashaariicda horumarineed ee ka socda degmadda
kuwasoo badankoodu ku xiran yihiin jiritaanka golle deegaan oo dadku soo doorteen.
6. Shirku waxuu ka codsaday madaxweynaha dawladda Puntland in iyadoo la tixgalinayo
dib u eegista heshiiskii siyaasadeed ee lagu gaaray magaaladda Muqdisho 17kii
September ee kal hore,lana tixgalinayo baaqyo hore oo waxgaradka gobolku u gudbiyeen
madaxwenae Siciid Cabdulaahi Deni kuwaasoo ku aaadanaa in iyadoo laga duulayo
halka ay juquraafi ahaan dhacdo magaaladda Gaalkacyo oo ay kawada dhisan yihiin labo
maamul isla markaana maamul ka mid ahi u asteeyey inay noqoto goob doorasho federal
uu u aqoonsado in doorashooyinka heer federal ee Puntland qaybtood dawladda Puntland
ku qabato magaaladda Gaalacyo si loo ilaaliyo lahaanshaha iyo taariikhda
magaaladda. Shirku wuxuu sidoo kale ugu yeeray isimadda Gobolka in aan ka harin kana
daalin inay dawladda Puntland gaar ahaan madaxweynaha kala hadlaan arrintaasi.
7. Shirku waxuu ugu baaqay dawladda Puntland inay ka hadasho bulshaddana u caddayso in doorashadda heer federaal ay noqoto mid hufan ayna kala cad yihiin doorarka kala duwan ee ay ku kala leeyihiin waxgaradka qabaa’ilka iyo guddiga doorashada soo xulista
ergooyinka iyo cidda beeluhu u dirsanayaan in ay ku matalaan tartanka xildhibaanadda
ee lagu heshiiyo yadoo la raaayo habraacyadda doorashooyinka si meesha looga saaro
tuhunka ah inuu jiro boob qorshaysan iyo la rabo in la baalmaro rabitaanka qabaailka lana
soo saaro xildhibaano aan kalsooni badan ku qabin beelaha iyo deegaamadda ay matali
doonaan.
