Wasiirka amniga gudaha Galmudug Maxamed Cabdi Aadan Gaboobe oo gaaray degmada Hobyo ayaa shir guddoomiyay shir looga hadlaayay arrimaha Nabadgelyada gobolka Mudug.
Shirka waxaa sidoo kale qeyb ka ahaa guddoomiye ku xigeenka gobolka Mudug, guddoomiyaha degmada Hobyo, taliyaha ciidamada Daraawiishta Galmudug, Xildhibaanno ka tirsan baarlamaanka Galmudug iyo saraakiisha ciidamada xoogga Dalka.
Wasiir Gaboobe ayaa dhinacyada faray in xoogga la saaro sugidda amniga gobolka Mudug iyo degmada Hobyo, maadama uu gobolka ku jiro diyaar garowgii ugu dambeeyay ee lagu ciribtirayo kooxda Khawaarijta ah.
