Daah furka shirka Dib u eegista Siyaasada Qaran ee Dhallinyarada Soomaaliyeed oo ay kasoo qayb galeen qaar ka mid ah dhalinyarada reer Galmudug ayaa Magaalada Dhuusamareeb mudo labo maalmood ah uga socon doona, ka qayb galayaal isugu jira Rag iyo Dumar ayaa si gaar gaar ah usoo gudbin doona aragtiyadooda wax galka ah ee muhiimka u ah ku biirinta dib u eegista siyaasada qaran ee dhalinyaradda Soomaaliyeed oo ay wadajir ah u soo agaasimeen Wasaaraddaha dhalinyarada iyo Cayaaraha Federaalka iyo Galmudug.
Calas Cabdinuur Barre, Gudoomiyaha dhalinyarada Caasimadda iyo Maxamed Nuur Maxamed, Gudoomiyaha Ururka Cayaaraha Dhuusamareeb ayaa ugu horeyn ka hadlay kasoo qaybgalkooda shirkan, waxayna isku raceen in ay muhiim tahay in dhalinta Soomaaliyeed ay wax ku soo kordhiyaan hormarka dalkooda.
Cabdullahi Cabbdi Maxamed Xiirey Agaasimaha waaxda dhallinyarada ee Wasaaradda dhalinyarada iyo Cayaaraha Dowlada Federalka iyo CabdiCsiis Maxamed Khaliif la taliya arrimaha siyaasada qaran ee dhalinyaradda ayaa iyana dhankooda xusay in ay muhiim tahay qaadashada waxa kasoo baxa shirarkan.
Ugu dambeyn Cumar Cabdi Maxamed Agaasimaha Guud ee Wasaaradda Dhallinyarada iyo Cayaaraha Galmudug ayaa kula dardaarmey dhalinyarada ka qayb galeysa shirkan in ay la yimaadaan wax ku biirin baaxad leh, si la mid ah shansano kahor doorkii Galmudug ay ku yeelatay siyaasada qaran ee Dalka.
