Shirka todobaadlaha Golaha Wasiirada Xukuumadda Federaalka Soomaaliya ayaa lagu ansixiyey Siyaasadda Qaran ee Howl-gabka iyo Liil-tirka Shaqaalaha Rayidka ee dowladda, xubin Guddiga Madaxa Bannaan ee xuduudaha iyo federaalka, iyadoo la soo bandhigay qorshaha korontada dalka.
Golaha Wasiirada ayaa warbixin ka dhageystay wasiirada amniga iyo gaashaandhigga, taasoo ku aadan xasilinta iyo howlgallada amniga dalka.
Wasaaradaha ayaa xaqiijiyey in la dardargelinayo howlgallada lagu sugayo amniga iyo nabadeynta dalka, xiligan muhiimka ah ee lagu jiro doorashooyinka.
Shirka golaha wasiirada oo guddoominayay ra’iisul wasaare ku-xigeenka dalka mudane Mahdi Maxamed Guuleed (Khadar) ayaa wasaaradda caafimaadka ku u soo bandhigtay xaaladihii u danbeeyey ee cudur COVID-19 iyo dhibaatada uu u geystay bulshada, waxayna xukuumaddu boggaadisay dadaalka lagu badbaadinayo caafimaadka muwaadiniinta Soomaaliyeed, iyadoo lagu baaqay in la xoojiyo wacyigelinta bulshada.
