Wajiga Kowaad ee shirka horumarinta Daah-furnaanta iyo dowlad Wanaagga oo ay ka qayb qaleen dhammaan mas’uuliyiinta hay’adaha kala duwan ee dowladda Federaalka Soomaaliya ayaa maanta qabsoomay.
Hanti-dhawraha guud ee Qaranka Mudane Maxamed Maxamuud Cali oo shirka furay ayaa hay’adaha kala duwan dowladda ku booriyay inay sii laba-laabaan dadaallada lagu adkaynayo howlaha horyaalla ee la xiriira ka shaqaynta maamul wanaagga iyo sare u qaadista adeegga loo hayo shacabka.
Waxaa sidoo kale shirka la isku waydaarsaday aragtiyo la xiriira sida ugu haboon oo hay’adaha dawladdu ay u dhaqan-galin karaan tallooyinka ka soo baxa xafiiska Hanti-dhawrka guud ee Qaranka ee lagu saxayo khaladaadka lagu soo bandhigo Warbixinada Baarista Sannadlaha.
