Wasaaradda Beeraha iyo Waraabka Dowladda Federaalka Soomaaliya, waxay qabatay kulanka wadatashi maalintiisa labaad oo ku saabsan Suuqyada Maxaliga ah iyo Suuqyada Caalamiga ah iyo qaabka ugu wanaagsan ee laysugu xiri karo waxsoo-saarka Beeraha iyo Suuqyada.
Waxaa shirka kalmad xiritaan ah ka jeediyay Agaasimaha guud ee wasaaradda Beeraha iyo daraabka dowladda federaalka Soomaaliya Nuur Yuusuf Nuur, oo ku saabsan qaabka ugu wanaagsan ee loo hormarin karo isku xirnaanshiyaha ka dhexeeyo waxsoo-saarka beeraha iyo suuqyada kale duwan sida kuwa maxaliga ah iyo kuwa caalamiga ah.
Related posts
Sidoo kale Agaasimaha guud ayaa tilmaamay inay wasaaradda Beeraha iyo Waraabka dadaal dheeri ah ku bixineyso waxsoo-saarka beeraha iyo suuq geynta ku haboon.
Waxaa shirka ka soo qeyb galay qaar ka mid ah madaxda Wasaaradda Beeraha iyo waraabka iyo wasaaradda ganacsiga iyo wasaaradda maaliyadda, iyo sidoo kale Hayโadaha ka shaqeeya beeraha iyoย Bangiyada Dalka.
Waxaa sidoo kale laga dhawaajiyay in loo baahanyahay in la ciribtiro caqabadaha faraha badan ee ku horgudban waxsoo-saarka beeraha in la gaarsiiyo suuqyada maxaliga ah iyo kuwa caalamiga ah, waxaana laysla gartay inay tahay muhiim in laga wada shaqeeyo qaabka ugu wanaagsan ee loo fududeyn lahaa caqabadahaas looguna gudbi lahaa sida ugu wanaagsan ee loo gaari karo suuqyada kale duwan.
