Shirka Istiraatiijiyadda Horumarinta Warbaahinta Soomaaliyeed ayaa maalintiisii labaad ka socda magaallada Muqdisho, ayadoo ay ka qeyb galayaan wakiilo ka socda dowlad-goboleedyada, ururrada saxaafadda iyo hay’adaha taageera warbaahinta Soomaaliya.
Ka qeyb galayaasha oo kooxo loo qeybiyay ayaa maanta soo jeedinaya aragtidooda ku aaddan dhaqan galinta xeerka saxaafadda iyo Istiraatiijiyadda la doonayo in laga soo saaro shirkaan.
Wakiilo ka socda ururrada saxaafadeed ee dalka ka jira iyo masuuliyiin ka socota IMS ayaa soo bandhigay aragtidooda ku aaddan qodobbada laga doodayo, ayagoo ka hadlay qodobbo ku jira xeerka oo u baahan dib u eegis. Waxay soo dhaweeyeen in dowladdu ay sameynayso xeer-hoosaad uu yeelanayo xeerkan, ayagoo soo jeediyay in la dedejiyo.
Amanda ayaa la soo gabagabeyn doonaa shirkaan oo laga soo saari doono istiraatiijiyad lagu horumarinayo warbaahinta Soomaaliya 5ta sano ee soo socota.
Wixii ku soo kordha waan idiin soo gudbin doonnaa hadduu Alle idmo.
