Kulanka Wasiirrada ee Shirweynaha Boostada Adduunka ayaa lagu soo gabagabeeyay Magaalada Abdijan ee Caasimadda dalka Ivory Coast, iyadoo looga hadlay ajandayaal dhowr ah oo khuseeya arrimaha Boostada adduunka.
Waxyaabaha ugu waa weyn ee Wasiirradu isla gorfeeyeen waxaa ka mid ah sidii teknolojiyada loogu adeegsan lahaa adeegyada Boostada. Waxaa la isla qiray in boostada u adeegto dad badan oo adduunka daafihiisa ku nool, isla markaana ay qeyb ka qaadato sidii adeegyada Dowladda loogu dhoweyn lahaa muwaadiniinta. Waxaa sidoo kale laga dooday istaraatiijiyada cusub ee boostooyinku qaadan karaan xilligan oo uu dunidu aafeeyay safmareenka Coronavirus.
Related posts
Mudane Cabdi Sheekh Axmed Wasiirka Isgaarsiinta iyo Teknolojiyada Soomaaliya oo ay Boostadu hoos tagto oo shirkaan ka qeyb galay ayaa sheegay in fursadaha adeegga boostada dalkeenu ay xooggan yihiin, gaar ahaan dhinacyada dirista iyo keenista xirmooyinka adeegyada Maaliyadda iyo inay xarun u noqoto adeegyada Dowladda ee lagu bixiyo teknolojiyada .
Shirkan oo soconaya muddo 3 toddobaad ah waxaa ka soo qeybgali doona Masโuuliyiin ka socota Wasaaradda oo halkaas joogi doona illaa ay dhacdo doorashada hoggaanka sare ee UPU, taas oo la goโaamiyay in dalalku goobjoog ka ahaadaan, halkii markii hore la qorsheeyay in dalkii aan goobjoog ahayn uu ku codeyn karo qaab online ah.
