Howl galadaani oo ay ka fuliyeen ciidamada booliiska iyo kuwa milateriga xaafado ka mid ah magaalada Johannesburg gaar ahaan xaafadaha ay Soomaalida dagen yihiin ayaa waxaa lagu soo xir xiray ku dhawaad 20 ruux oo Soomaali ah kuwaasi oo loo xiray inta badan sharci la aan iyo kuwa iyagu sharcigooda dhacsan yahay.
Dowladda South Africa ayaa ciidankeedu waxaa ay ku sameynayeen goobaha ganacsiga ee dadka South African ka ah iyo kuwa qaxootiga ay ku leeyihiin dalkaaswaxaana lagu baarayey qoryaha sida sharci la’aanta ah loogu haysto dalka sida ay sheeegayaan saraakiisha ciidamada.
Qaar ka mid ah dadka Soomaalida ah ayaa waxaa ay ka hadleen dareenkooda ku aadan dadkaas la xir xiray waxaana ay sheegeen in dhibaato farabadan ay ka heysato dhanka sharciyada marka ay doonanayaan in ay sameestaan hadana Dowladda South Africa ay sheegtay in dadka aan sharciga lahayn lagu celin doono dalkooda.
Cabdi Risaaq Macaan jecel oo ka mid ah mas’uuliinta jaaliyada Soomaaliyeed ee dalka South Africa ayaa waxaa uu sheegay in ay jiraan dad Soomaali ah oo lagu xir xiray inta ay socdeen howl galka ay ciidamada milateriga iyo booliiska ka fulinayeen xaafadaha mayfil ee dadka Soomaalida u badan yihiin.
Tan iyo markii rabshadaha looga soo horjeedo dadka ajaanibta ee ku nool dalka South Africa ay ka bilawdeen Wadankaas ayaa dowladda waxaa ay bilaawday baaritaano balaaran si dhibaatooyinka looga hortago ama loo baajiyo kuwa kale oo dhaca.
