Mashariidaan horumarineed ee ay maanta Muqdisho kula saxiixdeen dowladda Federaalka Soomaaliya iyo Midowga Yurub ayaa ku saabsanaa horumarinta dhaqalaha, dowladda wanaagga iyo kaalmeenta farsamooyin kala duwan kuwaa oo ay dhamaan Midowga Yurub ka fulin doonto Soomaaliya .
Heshiiska waxa Soomaaliya u saxiixay Wasiirka Qorshaynta Horumarinta dhaqaalaha iyo maalgashiga, halka uu Midowga Yurubna u saxiixay Agaasimaha guud ee Horumarinta iyo Iskaashiga Caalamiga ah ee Midowga Yurub , waxaana goob joog ka ahaa Ra’iisul Wasaaraha Xukumadda Federaalka Soomaaliya Mudane Xasan Cali Kheyre iyo Safiirka Midowga Yurub ee Soomaaliya .
Wasiirka qorshaynta iyo Horumarinta dhaqalaha ee Xukumadda Soomaaliya Jamaal Maxamed Xasan ayaa sheegay in mashariicdan ay ka hirgelinayso Soomaaliya ay ku baxayso lacag dhan 48.4 milyan oo lacagta Midowga Yurub ah.
Agaasimaha Guud ee Horumarinta iyo Iskaashiga caalamiga ah ee Midowga Yurub ayaa tilmaamay Midowga Yurub ay dowladda Soomaaliya ka gacan siin doono horumarinta dhaqaalaha, dhismaha ciidanka qalabka sida, la dagaallanka argagixisada iyo dhib u dhiska Hay’addaha dowladdda Soomaaliya
Madaxweynaha Jamhuuriyada Fedraalka ee Soomaaliya Mudane Maxmaed Cabdullaahi Farmaajo ayaa xafiiskiisa ku qaabilay wafiga ka socday Midowga Yurub ee uu hogaaminayay Agaasimaha Guud ee Horumarinta iyo Iskaashiga caalamiga ee Midowga Yurub Stefano Manservisi isagoo ka lahadalay xoojinta taageerda Midowga Yurub ee Soomaaliya.
Wasaiirka Qorsheynta ee Xukuumadda Federaalka Soomaaliya Jamaal Maxamed Xasan ayaa sheegay in dhaqaalihii Midowga Yurub ay ku bixin jirtay mashaariicda horumarinta dalka, haatan ay maamuleyso Wasaaradda.
