Jamacadda Axfaad ee Dalka Suudaan ayaa qabatay Bandhig ay ugu magac daraty habeenkii dhaqanka,waxaana ka qeyb galay Dowlado badan oo Ardaydoodu ay dhigtaaan Jamacadaasi Soomalina ay ku jirto.
Axfaad oo ah Jaamacad ay dhigtaan Haweenka oo kaliya ayaa Sanadkii mar lagu qabtaa bandhig dhaqameed ay dhaqamadooda ku soo bandhigaan dhamaan Dowladaha ay ardaydoodu dhigtaan Jaamacaddaasi.
Bandhiga oo ka dhacayay Xarunta Jaamacadda Axfaad ayaa waxaa ka soo qeyb galay dad weyna aad u fara badan iyo qaar ka midah Ardayada Soomaaliyeed ee wax ka barata Dalka Suudaan iyo waliba madaxda Ururka Ardayda Soomaaliyeed.
Gabdhaha Soomaaliyeed ee dhigta jaamacadda Axfaad ayaa door la taaban karo ka ciyaaray mudadii uu socday bandhiga waxeyna goobta ku soo bandhigeen waxyaabaha hiddaha iyo dhaqanka u ah dadka Soomaaliyeed, taariikhda wadanka ,Cunooyanka u gaarka ah Soomaalida iyo waliba qaar ka mid ah Cayaaraha Hiddaha iyo Dhaqanka Soomaaliyeed.
Dhanka kale Xoghayaha Guud ee Midowga Ardayda Soomaaliyeed Dalka Suudaan Cabdiraxmaan Maxamed Saciid iyo Maxamed Cismaan Cali “Mucjiso” ayaa aad u bogaadiyay Gabdhaha Soomaaliyeed doorka fiican ee ka qaateen bandhiga.
Dowladaha ka qeyb qaatay bandhigan ayaa waxay ahaayeen kuwo aad u badnaa iyadoona Dhamaan dadkii ka soo qeyb galay munaasabada lagu soo bandhigayay Bandhig Dhaqameedka ayaa aad ugu helay Dhaqanka Soomaaliya, iyagoo waxbadan ka bartay dhaqamada Soomaaliya iyo waliba Taariikhada Dalka.
