Ku simaha Wasiirka ahna Wasiir ku xigeenka Wasaaradda Ganacsiga iyo Warshadaha Xukuumadda Federaalka Soomaaliya Mudane Cismaan Maxamed Cabdi (Daallo), ayaa maanta daah-furay tababar soconaya muddo shan maalmood ah oo kor looggu qaadayo aqoonta iyo fahamka shaqada ee shaqaalaha Wasaaradda, gaar ahaan Waaxda Ganacsiga iyo Suuq-geynta.
Tobabarkan, ayaa shaqaalaha lagu tobabari doonaa Qorshe hawleedka Waaxda, maamulka mashaariicda, maamulka xafiisyada, daba-galka iyo qiimeynta, qaadista hadal qoraaleedyada, sida loo diyaariyo warbixinaha iyo weli ba sidoo kale anshaxa wanaagsan iyo waajibaadka shaqada ee saaran shaqaalaha.
Related posts
Wasiir Cismaan Daallo oo la hadlay shaqaalaha, ayaa kula dar-daarmay inay si fiican uga faaβidaystaan macalimiinta iyo khubarada kala duwan ee bixinaysa tobabarka sidoo kale na waxa ay halkaas ka bartaan ay ku dabakhaan hawlaha shaqo ee ay qabanayaan. Isaga oo xusay in ka masβuuliyiin ahaan ay ka goβan tahay daadejinta hawlaha shaqo sidaas darteedna ay tobabarkan u siinayaan shaqaalaha si ay faham buuxa uga helaan qabashada waajibaadkooda shaqo.
