Tababbarkaan ku saabsan diiwaangalinta rasmiga ah ee howlwadeennada Xafiisyada Guddiga Madaxa-bannaan ee Doorashooyinka Qaranka ee Maamul Goboleedyada ayaa looga furay magaalada Dhusamreeb, waxaana furitaanka ka Qaybgalay Gudoomiyaha Baarlamaanka Galmudug anha Ku-simaha Madaxwaynaha Galmudug Dr Maxamed Nuur Gacal.
Maxamed Cumar Xaydara Diiwaan hayaha Xisbiyadda ayaa ugu horayn ka waramay Furitaanka waxa uuna xusay in Xisbiyada loo fududaynayo Diwaangalinta, Tababbarkana loogaa Faa’iidaysan doono Habka wax loo diiwaangaliyo.
Xaliimo Ismaaciil Ibraahim Gudoomiyaha Guddiga Madaxa-banaan ee Doorashooyinka Qaranka ayaa Xustay in Maadaama Sharcigii Xisbiyada Dib-u-habayn lagu sameeyey loo baahday in Howl-wadeennada loo Tababbaro si ay ula jaanqaadaan.
Gudoomiyaha Baarlamaanka Galmudug Ahna kusimaha Madaxwaynaha Galmudug Dr Maxamed Nuur Gacal ayaa Gabagabada ka hadlay waxa uuna sheegay in ka Maamul ahaan Guddiga ay ka Gacan siinayaan arrimaha Doorashooyinka.
Howl-wadeenada Xafiisyada Guddiga Madaxa-bannaan ee Doorashooyinka Qaranka ayaa Muddo Saddex Maalmood ah qaadan doona Tababbarkaan ku saabsan Diiwaangalinta Rasmiga ah.
