Agaasimaha Guud ee Wasaaradda Shaqada iyo Arrimaha Bulshada Xukuumadda Federaalka Soomaaliya , Mudane Cabdullaahi Maxamed Cali ayaa maanta xarunta Wasaaradda ka furay tababbar soconaya muddo labo maalin ah , kaa oo howlwadeennada Wasaaradda lagu barayo xirfadaha muhiimka u ah Shaqada.
Tababbarkan, ayaa qeyb ka ah qorshaha horumarinta khibrada iyo xirfadaha ee Shaqaalaha Wasaaradda Shaqada iyo Arrimaha Bulshada Xukuumadda Federaalka Soomaaliya iyo dhammaan Shaqaalaha Rayidka ee Dawladda.
Related posts
โ Ujeeddada aan ka leenahay tababbarkan iyo kuwa la midka ah waa in la helo Shaqaale u tababbaran, khibradna u leh adeegga qaranka iyo Bulshada ay siinayaan hayโadaha Dawladda.โ ayuu yiri Agaasimaha Guud.
Wuxuu intaa ku daray in isbeddelada ku imaanaya xirfadaha shaqada , inay mudnaan u leedahay Shaqaalaha Rayidka Dawladda inay ku helaan goobahooda shaqada.
Tababbarka maanta furmay oo uu bixinayo khabiir ka tirsan Wasaaradda ,Mudane Cabdullaahi Cumar, ayaa muddada uu socdo , wuxuu diiradda saarayaa horumarinta xirfadda diyaarinta warbixinnada Shaqada.
In ka badan lix boqol (600) oo isugu jira Shaqaalaha Wasaaradda Shaqada iyo Arrimaha Bulshada iyo kuwa Rayidka ee Dawladda, ayaa ka faaโiideystay tababbaro gaaban oo ay sannadkaan dabayaaqada ah 2022 , ay soo qaban qaabisay Wasaaradda Shaqada iyo Arrimaha Bulshada.
