Taliska Ciidanka Asluubta Soomaaliyeed ayaa maalmahan Diyaar garowgii ugu dambeeyey ugu jira qabashada Xuska Maalintii la aas-aasay Ciidanka Asluubta oo ku beegan 22 Febraury 1970, waxayna sanadkaan u dabaal dagayaan Sanad guuradoodii 47 aad.
Guuto ka tirsan Ciidanka Asluubta Soomaaliyeed ayaa maray xarunta lagu qabanayo Munaasabadda,iyagoo siiyey Salaan sharafΒ Taliyaha Ciidanka Asluubta Soomaaliyeed Sarreeye guudΒ Bashiir Maxamed Jaamac, oo ay wehliyeen Taliye ku xiggeenadda, iyo Saraakiil ka tirsan Ciidanka Asluubta Soomaaliyeed, munaasabad kooban ayaana gabagabadii la sameeyey oo ay ka soo qeyb galeen Xeer ilaaliyaha guud ee qaranka Axmed Cali Daahir, Taliyahii hore ee Ciidanka Xoogga Sarreeye gaas Daahir aadan Cilmi indha-qarshe Xildhibaano iyo wasiiro Dowladda ka tirsan,iyadoona halkaasiΒ heeso iyo riwaayaddo wadani ah ay kusoo bandhigeen Hoboladda Faananiinta Onkod ee Taliska Ciidanka Asluubta Soomaaliyeed.
Related posts
Taliyaha Ciidanka Asluubta Soomaaliyeed Sarreeye GuudΒ Bashiir Maxamed Jaamac, oo la hadlay Ciidanka loo diyaariyey in ay marraan Fagaaraha Munaasabadda lagu qabanayo ayaa kula dardaarmay in ay saxaan qaladaadka yar ee loo sheegay, isagoo xusay in loo baahan yahay dulqaad,lana muujiyo farxad,maadaama loo diyaar garoobayo Xuska Maalintii uu dhashay Taliska Ciidanka Asluubta Soomaaliyeed.
—DHAMMAAD—
