Taliyaha Ciidanka Asluubta Soomaaliyed S/Gaas Bashiir Maxamed Jaamac ayaa Maamulka Galmudug u magacaabay Sarrkaal noqon doona Taliyaha Ciidanka Asluubta Maamulkaasi, iyada oo sidoo kale Madaxweynaha Galmudug uu maanta Booqaday Xarunta Taliska Ciidanak Asluubta Soomaaliyeed
Madaxweynaha Galmudug ayaa kormeer ku sameeyay qeybo kamid ah Taliska oo ay ka mida tahay Xarunta Tobabarada iyo Dhaqan Celinta Maxaabista, Madaxweynaha wuxuu halkaas kusoo arkay warshadi oo shaqo Balaaran kasocota, iyo maxaabisti oo baraneysa xirfado kala duwan sida harqaanka iyo waxsoo saarka qalabyada xafiisyada,Guryaha iyo Goobaha waxbarashada loo isticmaalo.
Madaxweynaha Galmudug ayaa waxa kormeerka ku wehliyay Xeer ilaaliyaha Qaranka Dr. Axmed Cali Daahir.
Taliyaha Ciidanka Asluubta Soomaaliyed S/Gaas Bashiir Maxamed Jaamac aya Goobta hadalo kooban ka jeediyay:-
“Taliska Ciidanka Asluubta Soomaaliyed laga bilaabo maanta wuxuu u magaacabay Taliye Cusub Taliska Ciidanka Asluubta Galmudug Waxan ku wareejinay Sarkaalka Madaxweynaha Galmudug, Madaxweynaha oo inaga codsaday inan usoo xulno sarkaal waxbadan ka bedeli kara Ciidanka Asluubta Galmudug, Madaxweynihi ugu horeeyay ee Maamulada dalka ka jira ee soo booqda Taliska Guud ee Ciidana Asluubta Soomaaliyed ayaa tahay wadna ku mahadsan tahay, Waxan kaloo usoo jeedineyna Madaxda maamulada kale ee ka jira inay soo booqdan Taliska”
Ugu danbeyn waxa hadalo kooban oo mahadnaq iyo bogaadin halkaas ka jeediyay Madaxweynaha Galmudug:-
“Wey ku mahadsan yihiin Taliska Ciidanka Asluubta Soomaaliyed Dadaalada ay ugu jiraan dib udhiska ciidanka, Waxey kalo ku mahadsan yihiin Sarkaalka ay inoo soo xuleen oo aan aaminsan nahay in uu waxbadan ka bedeli doono Taliska Ciidanka Asluubta Galmudug”
–DHAMAAD–
