Taliyaha Ciidanka Dhulka Jeneraal Dayax Cabdi Cabdulle oo ay wehliyaan Guddoomiyaha Gobolka Mudug iyo Mas’uuliyiin kale ayaa maanta kormeeray Deegaanka Shabeeloow iyo Miyiga hoos yimaada oo ka mid ahaa meelihii laga saaray maalmahaan khawaarijta arxanka daran ee AS
Taliyaha iyo masuuliyiinta kale ayaa la kulmay Saraakiisha Xoogaga Dalka Soomaaliyeed iyo Daraawiishta Galmudug ee khawaarijta ka saaray Shabeeloow iyo saldhigyadii ay ku lahaayeen dhulka Miyiga.
Ciidamada Xoogga Dalka Soomaaliyeed iyo Daraawiishta ayaa maalmihii lasoo dhaafay Khawaarijta ka xoreeyay Deegaannada Shabeeloow iyo Cimaamad oo dhamaan ka mid ahaa Saldhigyadii Khawaarijtu oga soo duuli jireen Shacabka dhulkaa ku nool
Ciidamada ayaa hada kaabiga ku haaya Deegaanka Caad, waxaana Khawaarijta lagu baacsanayaa dhulka howdka ee Gobalka Mudug.
