Tartan cilmiyeedka bisha Ramadaan oo galay sanadkii Shan iyo tobnaad oo ay qabaneyso Warbaahinta Qaranka, isla markaana si toos ah looga daawanayo Telefishinka Qaranka, lagana dhageysto Idaacadda Radio Muqdisho habeen waliba ayaa waxaa caawa kulankiisa 10–aad ee wareegga koowaad ku tartamay Degmooyinka Moqokori iyo Ceeldheer oo ka kala tirsan Gobollada Hiiraan iyo Galgaduud. iyadoo tartamayaashaΒ MoqokoriΒ ay u tahay markii ugu horeysay oo ay ka qeyb galaan tartanka, Β waxaana barnaamijka si wadajir ah u taaba-gelineya Bankiga IBS iyo Maamulka Gobolka Banaadir.
Tartameyaasha labada degmoo ee Moqokori iyo Ceeldheer ayaa muujiyey tartan aad u adag, isla markaana ahaa mid xiiso gaar ah xambaarsan, iyagoo soo bandhigay aqoon iyo asluub wanaag labada dhinac inta uu tartanka socday.
Related posts
Moqokori
Tartameyaasha Degmada Moqokori ee Gobolka Hiiraan waxaa la weydiiyey todobo Suβaal, todobadii suβaal ee la weydiiyay waxa ay si sax ah uga jawaabeen Labo suβaal oo kaliya, halka ay iska qaldeen Shan suβaal, Ma jirin wax ka faaβiideysi ah oo ay heleen, sidaa darteed wadarta guud ee dhibcaha tartameyaasha Degmada Moqokori ay heleen waxay noqotay Afar (04) dhibcood.
Ceeldheer
Tartamayaasha Degmada Ceeldheer ee Gobolka Galgaduud waxaa dhankooda la weydiiyay todobo suβaal, waxa ay ka jawaabeen Afar suβaal, halka ay iska qaldeen Saddex suβaal, Waxa ay ka faaβiideysteen Saddex suβaal oo soo Β hareermartay dhigoodaΒ Moqokori, Β sidaa darteed wadarta guud ee dhibcaha ay heleen tartameyaasha Degmada Ceeldheer waxay noqotay Afar iyo Toban (14) dhibcood.
Hadaba kulankii 10-aad ee tartan Cilmiyeedka bisha Ramadaan ee Warbaahinta Qaranka caawa waxaa wareegga Labaad u soo gudbay tartamayaasha Degmada Ceeldheer ee Gobolka Galgaduud, ayadoo gebagebadii ay labada tartame isugu hambalyeeyeen guushaasi.
Habeen dambe haddii uu Alle idmo oo ah habeenka 11-aad ee tartanka, waxaa ku tartami doona degmooyinka Gubadleey iyo Gaalkacyo oo ka kala tirsan Gobollada Benaadir iyo Mudug.
