Tartan Cilmiyeedka Bisha Barakeysan ee Ramadaan oo ay si wada jir ah u baahinayaan Radio Muqdisho iyo Telefishinka Qaranka Soomaaliyeed ee SNTV uuna taaba gelineyo sanadkii labaad Maamulka Gobolka Benaadir ayaa waxaa caawa tartan aad u xiiso badan lehย dhexmaray degmooyinka Howl-wadaag iyo Warta Nabadda oo ka wada tirsan Gobolka Banaadir, iyadoo labada dhinac ay muujiyeen dadaal iyo anshax wanaag inta uu tartanku socday.
Sida uu xeerka tartanka qabo marka degmo walibo la weydiiyo min afar suโaal ayaa waxaa caawa dhextaal u ahaa, islamarkaana la guda galay isbarashada degmooyinka, iyadoo tartamayaasha labada degmo ay ka sheekeeyeen taariikhda ay leeyihiin degmooyinka Howl-wadag iyo Warta Nabadda, ย iyoย waxyaabaha ay caanka ku yihiin oo ay ku cabireen hab suugeed.
Related posts
Natiijada tartankii quruxda badnaa ee dhexmaray caawa tartamayaasha degmooyinka Howl-wadag iyo Warta Nabadda waxey noqotay sidan:-
Howl-wadaag
Tartamayaasha degmada Howl-wadaag sida xeerka barnaamijka tartan Cilmiyeedka bisha barakeysan ee Ramadaan uu dhigayo waxaa la weeydiiyey Todobo Suโaal waxaana suโaallihii la weydiiyey ay ka jawaabeen Hal suโaal oo waxa ay qaldeen Lix suโaal, mana jirin wax ka faaโiideysi ah oo ay caawa haleen, waxayna wadarta guud ee dhibcaha tartamayaasha degmada Howl-wadaag ay heleen noqoneysaa 2 dhibcood (Labo dhibcood).
Warta Nabadda
Tartamayaasha degmada Warta Nabadda waxaa iyana dhankooda la weydiiyey Todobo Suโaall, ย Suโaallihii la weydiiyey waxay si sax ah uga jawaabeen saddex suโaalย halka ay iska qaldeen Afar suโaal, waxayna si ka faaโiideysi ah u heleen Labo suโaal oo soo hareermartay Tartamayaasha Degmada Howl-wadaag, waxaana wadarta guud ee tartamayaasha degmada Warta Nabadda ka dhigeysaa inay heleen 10 dhibcood (Toban dhibcood).
Hadaba kulankii saddexaad ee tartan Cilmiyeedka bisha barakeysan ee Ramadaan caawa waxaa ku guuleystay tartamayaasha degmada Warta Nabadda ee gobolka Benaadir oo u soo gudubtay wareegga labaad ee tartanka, ayadoo gebagebadii ay labada tartame isugu hambalyeeyeen guushaasi.
Habeen dambe oo ah habeenka afaraad ee tartan Cilmiyeedka bisha Ramadaan ee Warbaahinta Qaranka waxaa ku tartamaya degmooyinka Boondheere Vs Garbahaareey oo ka kala tirsan Gobollada Banaadir iyo Gedo.
Halkan ka dhageyso Qeybta Koowaad ee Tartanka
Halkan ka dhageyso Qeybta Labaad ee Tartankaย
