Tartan cilmiyeedka bisha Ramadaan oo galay sanadkii todobaad oo ay qabaneyso Warbaahinta Qaranka, isla markaana si toos ah looga daawanayo Telefishinka Qaranka, lagana dhageysto Idaacadda Radio Muqdisho ayaa waxaa caawa kulankii afaraad ku tartamay tartameyaasha degmooyinka Gaalkacyo VS Boondheere oo ka kala tirsan Gobollada Mudug iyo Benaadir, waxaana barnaamijka sanadkii afaraad oo xiriir ah taabagelineya Maamulka Gobolka Benaadir.
Tartameyaasha labada degmo ee Gaalkacyo VS Boondheere ayaa muujiyey tartan aad u adag, isla markaana ahaa mid xiiso gaar ah xambaarsan, iyagoo soo bandhigay aqoon, waxaana sida sharciga qabo marka labada degmo la weydiiyo min afar suโaal la guda galay isbarashada degmooyinka iyo waxyaabaha ay degmo kasta caan ku tahay.
Related posts
Gaalkacyo
Tartameyaasha degmada Gaalkacyo ee gobolka Mudug waxaa la weydiiyey todobo Suโaal, waxaana ay si sax ah uga jawaabeen Hal suโaal, waxaana ay iska qaldeen Lix suโaal, waxa ay si ka faaโiideysi ah u heleen hal suโaal oo soo hareer martay tartamayaasha degmada Boondheere, hadaba wadarta guud ee dhibcaha tartameyaasha Degmada Gaalkacyo ay heleen waxay noqotay afar dhibcood.
Boondheere
Tartamayaasha Degmada Boondheere waxaa dhankooda la weydiiyay todobo suโaal, waxaana suโaalihii la weydiiyay ay si sax ah uga jawaabeen Hal suโaal, waxaana ay iska qaldeen Lix suโaal, waxaana ay ka faa’iideysteen hal su’aal oo soo hareer martay tartamaayasha Degmada Gaalkacyo, waxaana wadarta guud ee dhibcaha tartameyaasha degmada Boondheere ay noqotay afar dhibcood.
Tartamayaasha labada degmo ayaa isku dhibco noqday, waxaana lagu daray waqti dheeri ah, si loo kala saaro tartamayaasha labada Degmo sida u dhigayo sharciga tartan cilmiyeedka Warbaahinta Qaranka.
Tartamayaasha Degmada Gaalkacyo ayaa caawa u soo gudbay wareegga labaad ee tartanka, kaddib markii ay ka jawaabeen su’aalihii dheeriga ahaa oo mid ka mid ah soo hareermartay tartamaayasha Degmada Boondheere iyo su’aashooda oo ay ka jawaabeen, sidaasina waxa ay ku heleen 4 dhibcood, wadarta guud ee tirada ay ku so baxeen tartamaayasha Gaalkacyo ay noqoneysaa 8 dhibcood iyo Boondheere oo la timid 4 dhibcood.
Habeen dambe oo ah habeenka shanaad ee tartan cilmiyeedka Warbaahinta Qaranka hadii uu Alle idmo barnaamijka waxaa ku tartami doona tartamayaasha degmooyinka Dhahar oo ka tirsan Gobolka Sanaag Vs Dhusamareeb oo ka tirsan Gobolka Galguduud.
Sawir Qaade:- Mohamed M. Hassan “White-ka”
