Tartanki ciyaaraha kubbadda cagta ardayda dugsiga Jeneraal Daaโuud ayaa maanta lagu soo gebagebeeyay garoonka kubbadda cagta ee Banaadir Studium ee Muqdisho.
Tartankanayaa builowday bishii Janaayo ee sanadkan iyadoo ay ka soo qeybgaleen 18 kooxood, oo ka wada tirsan ardayda wax ka barata dugsiyada Jeneraal Daaโuud ee magaalada Muqdisho.
Related posts
Tartankan oo soo maray heerar kala duwan ayaa waxaa ciyaarti kama dambeysta maanta lagu qabtay garoonka kubbadda cagta ee Konis, iyadoo labadaasi kooxood ay soo bandhigeen ciyaar xiiso badan oo ay aad u jecleysteen masโuuliyiinti iyo dadweynihi ka qeybgalay daawashada ciyaartaasi oo ku soo idlaatay gool ku laad kadib markii ay kala badin waayeen waqtigii caadiga ahaa.
Maamulaha dugsiyada Jeneraal Daaโuud mudane Ismaaciil Cali Sheekh Nuur oo ka hadlay munaasabadii xiritaanka tartankaasi ayaa sheegay in ujeedada ay tartankan u qabteen ay tahay isdhexgalka iyo isbarashada ardayda ka wada tirsan dugsiyada Jeneraal Daaโuud ee magaalada Muqdisho.
Gudoomiyaha isboortige degmada Yaaqshiid Cali Xuseen Cali ayaa gebagebadii ciyaartaasi ka hadlay qiimaha ay bulshada u leeyihiin ciyaaraha isagoo ammaanay dadaalka ay muujiyeen maamulka iyo ardayda dugsiyada Jeneraal Daaโuud, isagoo ammaanay hanaanka nidaamsan iyo ciyaar wanaagga ay muujiyeen ardayda.
Cali Xuseen Cali gudoomiyaha isboortiga degmada Yaaqshiid ayaa koobki gudoonsiiyay kooxdi ku guuleysatay koobkaasi, isagoo kula dardaarmay iney halkaasi ka sii wadaan dadaalka balaaran oo ay muujiyeen.
