Waxaa soo dhamaatay codeynta, waxaana la galayaa tirinta codadka ay dhiibteen xubnaha golaha shacabka Soomaaliyeed, iyadoo lagu bilaabay tirinta santuuqa lagu riday codadka lagu dooranayo guddoomiye ku xigeenka koowaad.
Ilaa iyo hadda codadka la tirayay ayaa ah kuwo si aad ah isku dhow yihiin musharaxiinta, waxaana la ogaan doonaa cida ku guuleysata doorashada guddoomiye ku xigeenka koowaad.
Related posts
Marka la dhameeyo santuuqa lagu riday codadka lagu dooranayo guddoomiye ku xigeenka koowaad waxaa loo gudbi doonaa kan labaad sidaa waxaa sheegay guddoomiyaha guddiga qaban qaabada doorashada guddoonka golaha shacabka.
Waxaa laga yaabaa in wareeg kale loo baahdo maadaama codadka ay heleyaan ay isku dhow yihiin isla markaana la waayo musharax hela tirada loo baahan yahay oo ah 139 cod.
Labada musharax ee ilaa iyo hadda hogaaminaya codadka ayaa kala ah xildhibaan C/wali Sh Ibraahim Muudey iyo xildhibaan Faarax Sh C/qaadir.
