Madaxweynaha dalka Uganda, Yoweri Museveni ayaa ka warbixiyay tirada kiisaska Fayriska Corona ee dalkaas laga helay , waxaana uu sheegay in tirada la diiwangaliyay ay gaartay 48.
Dadkii ugu dambeeyay ee laga helay fayriska ayaa ah saddex qof oo shaley wasaaradda caafimaadka ay ka heshay xanuunka safmarka ah ee COVID-19.
Madaxweyne Museveni ayaa xusay in saddexda qof ee ugu dambeyay ee laga helay xanuunka COVID-19 labo ka mid ah ay ka yimaadeen dalka iskutaga imaaraadka Carabta halka qof kalena uu ka yimid dalka Maraykanka.
Madaxweynaha Uganda oo khudbad u jeedinayay dadweynaha ayaa ugu baaqay in ay la qaato farrimaha ka soo baxaya wasaaradda caafimaadka ee ku aadan sidii loola dagaallami lahaa feyriska Corona.
Madaxweyne Museveni ayaa amaray in la joojiyay isku imaadyada goobaha dadweynaha, gaadka, in la xiro dhammaan dukaamada iyo goobaha dumarka isku qurxiyaan mudd 14 cisho si loo yareeyo faafitaanka Fayriska COVID-19.
