Jimcihii ayaa aheyd maalinta dadka ugu badan laga talaalay cudurka coronavirus dalka UK 711,156 qof ayaa lagu muday cirbadda talaalka Oxford AstraZenec, taas oo la micno ah in kala bar dadka da’da ah ee dalkaas oo gaaraya qiyaas ahaan 26,853,407 ay qaateen kuurada ugu horeysay ee talaalka.
Xoghayaha caafimaadka UK Matt HancocK ayaa sheegay in ay gaareen yoolkoodi ahaa in talaalka bad badan gaarsiiyaan.
Ra’iisul wasaare Boris Johnson ayaa kamid ahaa dadkii qaatay kuurada koowaad ee talaalka COVID-19 jimcihii la soo dhaafay.
Tirada guud ee qaatay kuurada labaad ee talaalka coronavirus ayaa ah 2,132,551 oo qof sida lagu sheegay tirokoobka dowladdu soo saartay.
Xoghayaha caafimaadka UK Mr. Hancock ayaa sheegay in mutaddawiciinta caafimaadka ay gaareen gees ka gees dalka UK oo dhan si loo gaarsiiyo talaalka Oxford AstraZeeneca. Si kastaba, UK ayaa 28 maalmood ee u dambeeyay diiwaan gelisay 5,587 kiis oo cudurka corona ah.
Dowladda UK ayaa sidoo kale xaqiijisay in ay heshaay 5 milyan oo kuuro oo talaal ah Oxford AstraZeneca ah.
Dhinaca kale, dowladaha Midowga Yurub, sida Faransiiska, Jarmalka iyo Talyaaniga ayaa sheegay in ay dib u bilaabeen isticmaalka talaalka COVID-19 ee Oxford AstraZeneca ka dib markii hakad geliyeen.
