Ururada Bulshada rayidka ee dalka ayaa waxa ay dhaliil usoo jeediyeen Guddiga dabalka Cunuqabateyn hubka saaran ee Soomaaliya iyo Eritrea kaa soo ay ku eedeeyeen in warbixinadooda ay ku weeraraan Madaxda iyo Ganacsada Dalka.
Shir ay maanta magaalada Muqdisho ay ku yeesheen culumaa’udiin aqoonyahanno, haweey, hogaamiyeyaasha dhaqanka ayaa waxay ku dhaliileen warbixinada guddiga dabagalka iyo la socodka cunaqabateenta hubka saaran ee Soomaaliya iyo Eritrea.
Hogaamiyayaasha dhaqan ee halkaasi ka hadlay ayaa isku raacay in warbixinada ka soo baxa guddigaas ay u arkaan kuwo loogu gafo sida ay sheegeen madaxda dalka iyo dadka magaca ku dhex leh bulshada Soomaaliyeed
Inta uu kulanka socday ayaa waxaa qadka taleefoonka uga qeyb galay Prof, Cabdi Ismaaciil Samatar oo soo jeediyey in qorsho kasta oo la doonayo is lagu wax yeeleeyo Qaranimada Soomaaliya looga guulaysan karo in la helo Midnimo
Nabadoon Maxamed Xasan Xaad oo shirkii maanta soo xiray ayaa si koban u sheegay in loo baahanyahay in la sameeyo Guddi ka hortaga wararka been abuurka ah ee ay inta badan guddiga dabagalka cunuqabateynta hubka saaran Soomaaliya iyo Eritrea soo saaraan, kuwaasi oo uu ku tilmaamay inay yihiin kuwa been abuur ah.
“Maalin waliba qofka la is lee yahay Magac ayuu lee yahay ama muuqda ayaa la doonayaa in magaca laga dilo, dembina madaxa loo geliyo, taas oo ah mid siyaasadeed, waa arrin muddo soo jirtay, marka dalkaan waxaad moodaa inaan laga rabin Sharaf, waxaan weli ku jirnaa dumin marka macna weyn ayay inoo tahay inaan guddi sameyno oo ka hortaga dayacaayadaha guddiga dabalka Cunuqabateyn ee saaran Soomaaliya iyo Eritrea” ayuu yiri Maxamed Xasan Xaad.
