Kulan ay soo qaban qaabisay wasaaradda caafimaadka dowlad goboleedka Hirshabeelle ayaa maanta lagu qabtay magaalada Jowhar
Kulankan oo saddexdii bil mar la qabto ayaa waxaa goobjoog ka ahaa Mas’uuliyiin ka tirsan wasaaradda caafimaadka dowlad goboleedka Hirshabeelle iyo hay’adaha caafimaadka ee ka howlgala deegaanada Hirshabeelle.
Ujeedada kulanka ayaa aheed in la is weedaarsado fikrado ku aadan waxqabadkii iyo howlihii u qabsoomay wasaaradda caafimaadka dowlad goboleedka Hirshabeelle.
Wasiiru dowlaha wasaaradda caafimaadka dowlad goboleedka hirshabeele Muxiidiin Mukhtaar Macalin ayaa ka hadlay ahmiyadda uu leeyahay kulankan, isagoona hay’adaha caafimaadka ku dhiiri geliyey shaqada wanaagsan ee ay hayaan.
