Wasiirka Wasaaradda Maaliyadda Xukuumadda Federaalka Soomaaliya mudane Biixi Imaan Cige iyo wafdi uu hoggaaminayo ayaa gaaray Magaalada Maraakish ee dalka Boqortooyada Morocco.
Wasiirka iyo wafdigiisa ayaa dalka Boqortooyada Morocco uga qeyb galaya shirka Sanadlaha ah ee Bangiga Adduunka iyo Hayโadda lacagta IMF, kaas oo socon doona muddo todobaad ah.
Related posts
Mudane Biixi Iimaan Cige Wasiirka Wasaaradda Maaliyadda Xukumadda Federaalka Soomaaliya, oo la hadlay Warbaahinta ayaa uga warbixiyey qodobada sanadkaan looga hadlaya shirka, isaga oo sheegay in sanadkaan looga hadlaya sidii kor loogu qaadi lahaa habka ay u shaqeeyaan Bangiga Adduunka iyo IMF.
โSoomaaliya waxa ay qeyb weyn ka tahay dadaallada ay wadaan dalalka soo koraya, kuwaas oo doonaya in dib loo qaabeeyo Bangiga Adduunka, doorweyn baynu ku leenahay, afkaarteyna iyo fikradahayna way ka dhex muuqdaan doodaha ka dhacaya dalka Marooko,โ sida uu yiri Wasiir Biixi.
Wasiirka Wasaaradda Maaliyadda Xukumadda Federaalka Soomaaliya Mudane Biixi Imaan Cige ayaa inta uu socdo shirka waxa uu kulamo gaar ah la yeeshay madaxda ugu sarreysa Bangiga Adduunka iyo IMF, isaga oo kala hadlay barnaamijka deyn cafinta Soomaaliye oo heer gabagaba ah maraya iyo dib u qaabeynta dhaqaalaha dalka.
