Wasiirada dowladda Federaalka Soomaaliya ee ka qeyb galay shirka wadatashiga Puntland ee socday intii u dhexeysay 15-17 Maarso ayaa kulan ay yeesheen ka soo saaray war-saxaafadeed ay uga hadlayaan qodobada ay shirka ku taageereen iyo kuwa ay ka soo horjeedaan.
Wasiirada ayaa War-saxaafadeedkooda ku xusay inay soo dhaweynayaan hadalkii Madaxweynaha dowlad Goboleedka Puntland ee ahaa in uu tegayo caasimadda Soomaaliya ee Muqdisho si uu kulamo ula qaato Madaxda sare ee dowladda Federaalka Soomaaliya.
War-saxaafadeedka ayaa lagu xusay inay Wasiiradu diidanyihiin goโaamada lagu sheegay Warmurtiyeedka qeybta ku saabsan dowladda Federaalka oo aan ka turjumeynin hadal soo jeedintii iyo doodihii shirka.
Wasiirada ayaa daboolka ka qaaday inay ka xunyihiin erayadii xanafta lahaa ee war-murtiyeedku u geystay dowlad goboleedyada kale taasi oo aan qeyb ka ahayn ajendihii, hadal soo jeedintii iyo doodihii shirka
Wafdiga Wasiirada Xukuumadda Federaalka ee ka qeyb galay shirka wadatashiga Puntland ayaa u rajeeyay in shirka Madaxda dowladda Federaalka iyo Madaxweynaha Puntland ku dhex mari doono Muqdisho in uu ku soo dhamaado isfaham, wadashaqeyn iyo guul lagu gaaro danta Ummadda Soomaaliyeed.
Halkan kala deg War-saxaafadeedkaย
