Wasaaradda Arrimaha Gudaha ee dowlada Federaalka ah ee Soomaaliya ayaa waxa ay shacabka Soomaaliyeed ka Codsatay in ay u soo gudbiyaan magaca iyo astaan calameedka uu yeelanayo maamulka lagu howlanyahay in loo dhiso Hiiraan iyo Shabeelaha Dhaxe .
Qoraal ka soo baxay Wasaaradda Arrimaha Gudaha oo uu ku saxiixnaa Xoghayaha Joogtada ah ee Wasaarada Arimaha Gudaha Prof Yaxye Cali Ibraahim ayaa waxaa looga hadlay muhiimada ay leedahay astaanta iyo magaca uu yeelanayo Maamulka labada Gobol ee Hiiraan iyo Shabeelaha Dhexe.
“Wasaaradda Arrimaha Gudaha iyo Federaalka waxay muwaadiniinta Soomaaliyeed ka codsaneysaa inay u soo gudbiyaan Magaca iyo Astaan Calameedka idin kula haboon in ay yeelato dowlad goboleedka loo dhisayo Hiiraan iyo Shabeellaha Dhexe”ayaa lagu yiri qoraalka kasoo baxay Wasaaradda Arrimaha Gudaha.
Sidoo kale wasaarada ayaa sheegtay in dadka soo gudbinaya magaca iyo astaanta calanka maamulka labada gobol ay ku soo diraan Ciwaanada kala ah ( [email protected] ama www.moifa.gov.so ).
Dhawaan ayaa lagu wadaa in magaalada Jowhar lagu soo bandhigo Xildhibaanada maamulka labada gobol, iyadoo la dooran doono Guddoomiyaha Baarlamaanka iyo Madaxweynaha.
