Wasaaradda Arrimaha Dibedda Xukuumadda Federaalka Soomaaliya oo maanta shir isagu yeertay Danjirayaasha Beesha Caalamka ee ku sugan gudaha dalkeenna ayaa warbixin ka siisay Xaaladda Go’aanka Soomaaliya ee ku wajahan Xadgudubka Itoobiya ee madaxbanaanida dhuleed ee JFS.
Siihaayaha Xilka Wasiirka Arrimaha Dibedda Xukuumadda Federaalka Soomaaliya Cali Balcad ayaa Warbaahinta Qaranka u sheegay in shirka oo muhiim ahaa uu ku saabsanaa in Danjireyaasha caalamka dowladdu garsiiso go’aankeeda ku aaddan talaabada xadgudubka ah ee ay qaadday Xukuumadda Addis Ababa.
