Xiritaanka tababar socday 5 maalmmood oo lagu baranayay hanaanka sharci qorista iyo farsamooyin kale oo muhuiim ah oo ku saabsan arimaha cadaalada ayaa lagu qabatay Magaalada Muqdisho kaasi oo ay soo qabanqaabisay wasaaradda Cadaaladda soomaaliya iyado loo qabanayay shaqaalaha Wasaaradda Cadaaladda iyo kuwa Maamul Goboleedyada Dalka.
Qaar ka mida xubnaha matalayey Maamul Goboleedyada dalka ayaa ugu horeyn ka hadallay waxyaabaha ay ka barteen tababrkaan isla markaan uga mahad celiyay Wasaaradda Cadaalada oo u suura galisay in ay ka faa’iideystaan tababar noocaan oo kale ah.
Wasiirka Cadaalada Xukuumadda Soomaaliya Mudane Xasan Xuseen Xaaji ayaa sheegay in Wasaarada qorshaheedu yahay tayeynta iyo sare u qaadista shaqaalaha wasaarada iyo kuwa Maamul Goboleedyada si loo helo qirado isku mid ah.
Dhawaan ayey ahayd markii Wasaaradda Cadaaladda ay hishiis la saxiixatay kuwa Maamul Goboleedyada isla markaan lagu heshiiyay sidii sare loogu qaadi lahaa tayada shaqaalaha Wasaaraddaha cadaaladda ee Maamul Goboleedyadda Dalka kuwaas oo looga baahanyahay in si waanagsan uga shaqeeyaan Cadaalada dalka.
