Sii haayaha wasiirka wasaaradda Shaqada iyo arrimaha Bulshada xukumadda fedaralka Soomaaliya mudane Sadiiq Xirsi Warfaa ayaa manta Muqdisho ka furay tababbar la xariira fulinta siyaasadda iyo ilaalinta bulshada.
Wasiir Warfaa ayaa sheegay in tababbarkaan uu fursad fiican u siinayo qaabka ugu wanaagsan ee loo fulin lahaa siyaasadda iyo ilaalinta bulshada.
“Tababarkan wuxuu inoo siinayaa fursad fiican si aan u dhuuxno siyaasadaan sidoo kale aan ka fikirno sida ugu habboon ee aan u fulin karno ayna u gaari karto dhammaan Bulshadeenna”ayuu yiri Warfaa.
Sii haayaha wasiirka shaqada ayaa tilmaamay sida ay uga go,antahay hirgelinta siyaasadda arrimaha bulshada.
“Haddii aan nahay siyaasad fuliyaal iyo madax Dowladeed ee mas’uulka ka ah hirgalinta siyaasadda Arrimaha Bulshada , uma bahnin kaliya inan heysano turjumida saxda ah ee siyaasaddan, laakin waa inan hoosta ka xariiqno ka go’ naashiyaheenna iyo u xusul duubideenna ay nooga baahantahay si aan uga miro-dhalino”.
Tababbarkaan oo loo qabanayo xubno ka socda dowladda federaalka iyo dowlad goboleedyada ayaa socon doono muddo labo cisho ah.
