kulan maanta lagu qabtay xarunta Jaamacada Ummada ee magaalada Muqdisho oo ay ka qayb galeen wasiirka wasaaradda waxbarashada hidaha iyo tacliinta sare ee xukuumada Soomaaliya,wasiir ku xigeenka iyo wasiiru dowlaha wasaaradaas iyo masโuuliyiin kale ayaa waxaa wasaaradu uga dhawaaqday in maanta ay shaacisay natiijada imtixaankii mideysnaa ee dhawaan laga qaaday ardayda dugsiyada sare ee gobolada bartamaha iyo Koofurta Soomaaliya .
kulankaasi ayaa waxaa wasaaradu ay ka sheegtay in Natiijada imtixaankii laga qaaday ardayda ay ku soo bandhigi doonto website-ka rasmiga ah ee wasaaradda waxbarashada halkaana ay kala socon karaan ardada iyo dhamaan bulshada Soomaaliyeed waxaana ay wasaarada uga mahadcelisay suura galnimada in imtixaankaasi uu guuleysto cid walba oo gacan ka geysatay .
Related posts
wasiir ku xigeenka wasaaradda waxbarashada hidaha iyo tacliinta sare mudane Xaamud Cali Xasan oo ka hadlay arintaan ayaa waxaa uu si gaar ah mahad balaaran ugu celiyay waalidiinta iyo guud ahaan bulshada wasaarada ka gacansiisay in imtixaankaas taariikhiga ah la qaado laguna guuleysto.
wasiiru dowlaha wasaaradda waxbarashada ayaa isna ka hadlay kulankaan waxaan uu dhankiisa bogaadiyay qabsoomida imtixaankaas iyo sida ay wasaarada oo kaashaneysa madaxda qaranka iyo bulshada qaybaheeda kale duwan ugu guuleysatay.
Wasiirka Wasaaradda waxbarashada hidaha iyo tacliinta sare marwo Qadar Bashiir Cali oo ka hadashay gaba gabadii ayaa si rasmi ah ugu dhawaaqday in maanta ay wasaaradu ku guuleysatay in ay soo bandhigto natiijada imtixaankii la qaaday.
โMaanta waxaan rabaa bisha sideedaad ay tahay 20 in aan idiin sheego natiijada imtixaanka in aan maanta soo saari doono ilaahay haduu yiraa taasna waxaa noo keentay waa guul aan u soo hoynay wadankeena ilaah ayaa ku mahadsanโayay tiri wasiirada.
15 kii bishii June ee sanadkaan ayay ahayd markii wasaarada waxbarashada hidaha iyo tacliinta sare ay suura galisay in gobolada koofurta iyo bartamaha dalka ay imtixaan mid ah ka qaado ardada dhigatay dugsiyada sare taasooย ahayd markii ugu horeysay mudo 25 sano ah .
