Agaasimaha Guud ee Wasaaradda Ganacsiga iyo Warshadaha Xukuumadda Federaalka Soomaaliya Mudane Cabdicasiis Ibraahim Aadan, ayaa maanta shir-guddoomiyey shirkii Agaasimeyaasha iyo Lataliyasha ee Wasaaradda oo lagu soo bandhigay qabyo-qoraalkii ugu horreeyey siyaasadda Maal-gashiga Soomaaliya oo muddooyinkii ay ka shaqeynaysay Waaxda Maal-gashiga ee Wasaaradda.
Agaasimaha Waaxda Maal-gashiga ee Wasaaradda Mudane, Cabdirisaaq Xasan Yuusuf oo halkaas ku soo bandhigay siyaasadda ayaa sheegay in siyaasaddani dhiiri-gelinayso siddii Maal-gashadeyaashu ay wadanka uga sameyn lahaayeen Maal-gashiyo waaweyn oo khuseeya qeybaha kala duwan ee dalka kuwaasi oo wax-weyn ka tari kara dhinacyada horumarka, dhaqaalaha, shaqo-abuurka, ganacsiga iyo weliba wax soo saarka Soomaaliya.
