Jaaliyadda Soomaaliyeed ee Gobolka Washington ee dalka Mareykanka ayaa soo dhoweyn ballaaran u sameeyay Wasiir ku-xigeenka Wasaaradda Warfaafinta Dhaqanka iyo Dalxiiska XFS Cabdiraxmaan Yuusuf Cumar Al Cadaala.
Munaasabadda soo dhoweynta aheyd waxaa ka qayb galay Guddoomiyaha Guddiga Dekadaha Xamdi Maxamed, Duqa Magaalada SeaTac Maxamed Cigaal, Guddoomiyaha Golaha deegaanka Magaalada Tukwila iyo Marti sharaf kale.
Munaasabadda waxaa soo qaban qaabisay Guddoomiyaha Jaaliyadda Soomaaliyeed ee Magaalada Seattle Marwo Sarhra Faarax iyo qaar ka mid ah hoggaanka Jaaliyadda.
Wasiir Al Cadaala ayaa Jaaliyadda warbixin ka siiyay xaaladda guud ee dalka iyo dadaalka dowlad dhiska, isagoo gaarsiiyay Jaaliyadda salaan uu uga siday madaxda dalka.
