Wasiirka Isgaarsiinta iyo Teknoolojiyadda Xukuumadda Federaalka Soomaaliya Mudane Jaamac Xasan Khaliif ayaa maanta ka qeybgalay munaasabad lagu soo bandhigay waxqabadka Hey’adda Isgaaraiinta Qaranka, waxaana ku wehliyey Wasiiru-dowlaha Wasaaradda mudane Axmed Cismaan Diiriye, Wasiir-kuxigeenka mudane Xuseen Axmed Culusow, Agaasimaha guud ee Wasaaradda Mudane Cabdicasiis Duwane Isaaq iyo Maareeyaha Guud ee Hey’adda Isgaaraiinta Qaranka.
Ujeeddada munaasabadda ayaa ahayd in dib loo milicsado, isla markaana la soo bandhigo horumarradii ay gaartay Hey’adda Isgaaraiinta sanadka dhammaanaya ee 2023-da.
Munaasabaddan ayaa lagu soo bandhigay muuqaal ka hadlaya waxqabadka sanadkaan sii dhamaanayo, waxaana abaalmarino kala duwan la siiyo Shaqaalaha ka soo shaqeeyey hawshaan baaxadda leh.
Maareeyaha Guud ee Hey’adda Isgaaraiinta Qaranka Mudane Mustafa Yaasiin Sheekh ayaa soo bandhigay Guulaha ay gaareen, waxa uuna amaanay hoogaanka Wasaaradda oo ugu horreeyo Wasiirka oo lagu shaqeeyey talada iyo tusaalihiisa.
Ugu danbeyn munaasabaddaan waxaa soo xiray Wasiirka Isgaaraiinta iyo Teknoolojiyadda Soomaaliya Mudane Jaamac Xasan Khaliif oo sheegay in guulaha ay Hey’adda gaarto ay ku timid iskaashi iyo wadashaqeyn waxa uuna boggaadiyey Maareeyaha iyo hawlwadeenada Hey’adda oo qabtay shaqo ballaaran.
