Wasiir ku xigeenka wasaaradda Gaashaandhigga iyo wafdi saraakiil ah oo uu hoggaaminayay ayaa gaaray deegaanka Lambar 50 ee gobolka Shabeellaha Hoose.
Wasiir ku xigeenka wasaaradda Gaashaandhigga Cabdalla Xuseen Cali ayaa waxaa safarkiisa ku wehliyay Abaanduulaha ciidanka XDS, gudoomiyaha maxkamadda sare ee ciidamada qalabka sida iyo saraakiil kale.
Wasiirka iyo saraakiisha la socotay ayaa deegaanka Lambar 50 kula kulmay waxgaradka deegaankaasi, waxeyna kala hadleen sidii ciidamada XDS loogu soo biirin lahaa maleeshiyaad hubeeysan oo ku sugan halkaasi, kuwaasoo ah kuwa deegaanka.
Kulanka ay mas’uuliyiintu la qaateen waxgaradka deegaanka lambar 50 ayaa ku soo dhamaaday jawi wanaagsan oo is afgarad leh.
