Wasiirka arrimaha gudaha federaalka iyo dib u hishiisiinta ee dowladda Soomaaliya Mudane Cabdi Maxamed Sabriye oo maanta khudbad ka jeediyay kalfadhiga 7-aad kulankiisa kowaad ee golaha Shacabka ee Barlamaanka Jamhuuriyadda federaalka Soomaaliya ayaa ka codsaday in goluhu uu dedejiyo ansixinta sharcigaan isla markaana uu muhiim u yahay qabashada doorashooyinka la filayo inay dalka ka dhacaan.
Wasiirka Cabdi Maxamed Sabriye ayaa sheegay inay dib u-eegis ku saameeyeen nidaamkii dawaan galinta xisbiyada ku meel gaarka gaar ahaan nidaamka iyo sharuudaha laga raba xisbiyada sida diwaan galinta iyo sharciyo kale oo muhiim ah axsaabta.
“Waxaan ku sameeynay dib u-eegis dhammaan nidaamka xisbiyadii lagu diwaan galiyay sida ku meel gaarka si aan u hubino shuruudaha laga rabo xisbiyadda hase ahaatee waxaan ka codsanayaa golaha in si deg deg ah u ansixiyaan maadaama ay arrimaha doorashooyinka ay muhiim u yihiin.
Wasaaradda arrimaha gudaha ee xukumadda federaalka Soomaaliya ayaa bishii may ee sandkii 2019 golaha shacabka ee Barlamaanka horgeysay sharciga xisbiyada dalka.kaasi oo lagu sameeyay wax ka bedel iyo kaabis si loo hibiyo inay buuxiyeen sharuudaha nidaamka xisbiyadda.
Barlamaamkii sagaalaad ee dowladdii Madaxweyne Xasan Sheekh Maxamuud ayaa 27 juun sanadkii 2016 ansixiyay sharciga xisbiyadda siyaasadda dalka kaasi oo haatan laf dhabar u ah arrimaha doorashooyinka la filayo inay dalka ka dhacaan 20120/2021
