Wasiirka Arrimaha Dibadda iyo Iskaashiga Caalamiga ah ee Jamhuuriyadda Federaalka Soomaaliya Mudane, Danjire Axmed Macallim Fiqi ayaa wada-hadal dhanka khadka Telefoonka uu la yeeshey Maanta dhigiisa Wasiirka Arimaha Dibada Jamhuuriyadda Serbia Danjire Marko Djuric.
Labada Wasiir ayaa ka wada-hadlay xalaadaha guud ee labadda dal Siyaasadda Caalamka, Amniga iyo dhaqaalaha. Soomaaliya iyo Serbia ayaa xiriirkooda saaxiibtinimo uu sii marayaa muddo 65 sano ah. “Waxaan xoojin doona kor u qaadidoona xiriirkeena wadaagga ah” ayuu yiri Danjire Axmed Fiqi Wasiirka Arrimaha Dibadda Soomaaliya.
Danjire Axmed Macalim Fiqi ayaa muujiyey sida ay Soomaaliya uga go’an tahay xoojinta xiriirka laba-geesoodka ah ee Quruumaha dunidda oo idil, iyadoo mar walba mudnaan gaar ah la siinayo dalalka saaxiibtinimadoodu mudadda dheer ee ay soo jirtay.
Danjire Marko Djuric Wasiirka Arimaha Dibada Serbia ayaa boogaadiyay horumarka dhanka Diplomaasiyadda iyo Siyaasadda ee dhexdhexaad ka ah ee Dowladda Jamhuuriyadda Federaalka ah ee Soomaaliya ay ka qaadato danaha is diidan ee yaala Golayaasha Caalamka.
Sidoo kale Wasiirka Arimaha Dibada Serbia ayaa balan qaaday inay dowladdiisu taageero la garab taagantahay dowladda Soomaaliya, “mar walba Somalia waxay noo tahay saaxiib gaar ah waxaan rumeysannahay inaan wax badan wada-qabsan karo” ayuu yiri Marko Djuric.
Ugu dambeyn, laba Wasiir ayaa isla gartay in booqashooyin rasmi ah isweydaarsadaan, si loo balaariyo fursadaha jira si loga wada faa’iideysto Arimaha dhaqaalaha amniga iyo Tiknoolajidda.
