RADIO MUQDISHO: Wasiirka Arrimaha Gudaha Hirshabeelle Cabdiraxmaan Daahir Guure ayaa ka warbixiyay khasaaraha maalmihii Khawaarijta lagu gaarsiiyay soohdinta gobollada Shabeellaha Dhexe iyo Hiiraan,halkaas oo looga laayay Khawaarijta in ka badan kun iyo shan boqol dagaalameyal oo isugun jira dhimasho iyo dhaawac.
Wasiirka ayaa tilmaamay in dagaallada ugu dambeeyay ee lagu qaaaday kooxda Khawaarijta ah ee Al-Shabaab, lagu gaadhsiiyay jab xooggan, isla markaasina ay ku jiraan xaalad halis ah iyagoo sidoo kale kala firxaday kadiba markii loogu daadatay godadkii ay ku dhuumaaleysan jireen.
Related posts
Ciidamada Qaranka oo kaashanaya kuwa deegaanka, ayaa uu sheegay inay ka dambeeyeen guushaas, iyadoona dagaalkuna uu ahaan doono mid sii socon doona, illaa laga cidhibtirayo argagixasada meelaha kooban ee ay kaga sugan yihiin gobollada Shabeellada Dhexe iyo Hiiraan.
Wasiirka iyo saraakiil sare oo uu hoggaaminayo ayaa maalmihii u dambeeyay waxa ay ku sugnaayeen soohdimaha labada gobol, si dardargelin hor leh loogu sameeyo dagaalka ka dhanka Khawaarijta.
