Tababarkani oo maalma ka hor magaalada Muqdisho uga Furmay Guddiga Farsamada Maamul u sameynta gobolada Mudug iyo Galgaduud ayaa maanta loo soo gaba gabeeyay, iyadoo 13 kii Bishan uu kala qeyb galay tababarka dar daarana u jeediyay Sii hayaha Wasiirka Arrimaha Gudaha iyo Federaalka Xukuumadda Soomaaliya C/llaahi Goodax Barre.
Tababarka ayaa maalmihii uu socday Waxaa Diirada lagu saarayay qaabkii loo wajihi lahaa Dhismaha maamulka gobolada Dhexe, Iyadoo Todobaadka Soo socda lagu wado in si rasmi ah Gudigani uu bilaabo Howsha loo igmaday ee ah in Maamul la isku raacsan loo sameeyo gobolada Dhexe.
Sii hayaha Wasiirka Arrimaha Gudaha iyo Federaalka Mudane Cabdulaahi Goodax barre iyo Xubno kale oo ka tirsan wasaaradda Arrimaha Gudaha ayaa Xiritaanka tababarka ka qayb galay waxaana uu Wasiirku mar kale la dar daarmay Gudigan in si hufan ay u gutaan waajibaadka shaqo ee laga sugayo.
Xubno ka tirsan Guddiga Farsamada Maamul u sameynta gobolada Mudug iyo Galgaduud ayaa waxaa ay Baaq u jeeediyeen Bulshada Gobolada Maamulka loo sameynayo iyo Dowladda Federaalka ah Iyagoo u soo jeediyay in ay kaalin Muhiim ah ka qaataan Dhismaha maamulkaas.
Mas’uuliyiin kale Duwan ayaa ka hadlay Kulankani lagu soo gaba gabeynayay Tababarka Maalmahan u socday Guddiga Sii hayaha Wasiirka Arrimaha Gudaha iyo Federaalka Mudane Cabdulaahi Goodax Barre oo gaba gabada ka hadlay ayaa waxaa uu Guddiga u sheegay in looga Fadhiyo in sida ugu dhaqsiyaha badan ay u guda galaan Howsha loo Xilsaaray islamarkaana ay ku dadaalaan in maamul loo dhan yahay ay dhidibada u aasaan.
Gobolada dalka inta badan Waxaa looga dhawaaqay maamul Goboleeedyo ay saldhig u yihiin dhaqanka Soomaaliyeed waxaana Dowladda Federaalka ah Ee Somaliyana ay hormuud u tahay dhismaha maamuladaasi.
