Wasiirka Wasaaradda Caafimaadka iyo Daryeelka Bulshada Xukuumadda Federaalka Soomaaliya ayaa maanta ku wareejiyey Xildhibaan Maxamed Cabduqaadir oo wakiil ka ah Xildhibaannada deegaannada ay howlgalladu ka socdaan deeq Daawo ah oo loogu talagalay Ciidamada geesiyaasha ah ee Qalabka Sida iyo Ciidamada deegaanka ee qeybta ka ah howlgalada joogtada ah ee lagu cirib tirayo kooxda Khawaarijta, kuwaas oo ka socda qeybo ka mid ah Gobolka Hiiraan.
Deeqdan ayaa ah mid muhiimad gaar ah u leh xoojinta Caafimaadka iyo daryeelka Ciidamada dagaalka adag kula jira Khawaarijta, si loo hubiyo in guulaha laga gaarayo howlgalada amniga ay u sii socdaan.
Wasaaradda Caafimaadka iyo daryeelka bulshada Xukuumadda Federaalka Soomaaliya waxaa ka goโan taageeridda Ciidamada naftooda u huraya difaaca dalka iyo guud ahaan shacabka Soomaaliyeed, iyada oo mudnaanta koowaad siineysa Caafimaadka iyo horumarka deegaannada ay ka socdaan howlgallada amniga.
