Wasiirka Wasaarada Caafimaadka Dr Fawziya Abiikar Nuur ayaa maanta goob-joog ka aheyd xafladda xilwareejinta Agaasimaha guud ee Wasaaradda Caafimaadka, kaasi oo lagu qabtay xarunta Wasaaradda ee magaalada Muqdisho.
Munaasabadda xil wareejinta waxa kale oo goobjoog ka ahaa Wasiir ku-xigeenka Caafimaadka Dr. Axmed Xuseen Macalin, Mas’uuliyiin ka socotay xafiisyada Madaxweynaha, Hantidhowrka Qaranka, Guddiga Qaranka ee Shaqaalaha Reyidka, Agaasimyaasha Waaxyaha Wasaaradda Caafimaadka, Madaxda Isbitaalada Dowladda iyo kuwa gaarka loo leeyahay.
Wasiirka Caafimaaddka ayaa si rasmi ah xilka ugu kala wareejisay ku-simhii hore ee xilka Agaasimah Guud ee Wasaaradda Caafimaadka hayay Mudane Maxamad Cabdulqadir Xirsi iyo Agaasimaha guud ee xilka la wareegay Dr. Cabdinasir Mukhtaar Ibraahim, waxaana Madaxda iyo shaqaalaha ay ka dalbatay inay si hufan ula shaqeeyaan Agaasimaha cusub.
