Wasiirka Caafimaadka Xumaadda Soomaaliya ayaa booqday Isbitaalada Benaadir iyo Madiina halkaasi oo ah goobaha la geeyay dadkii ku dhaawacmay weerarkii maanta, ka dhacay aga gaarka Hotel SYL.
Mudane Maxamed Xaaji Cabdinuur ayaa dhaawacyada ku booqday qolalka ay ku jireen, waxaana uu ehelada dadkii ku dhaawacmay weerarka ka xogwareystay sida ay xaaladooda caafimaad tahay.
Agaasimaha isbitaalka Madiina Dr Maxamed Yuusuf ayaa sheegay in 28 qof oo dhaawacyo ah la soo gaarsiiyay isbitaalka, kuwaasi oo labo ka mid ah ay geeriyoodeen, halka lix kalena ay dib ugu laabteen guryahooda, iyadoo 20 kalena iminka lagu dabiibayay isbitaalka.
Wasiirka Caafimaadka ee Xukuumadda Soomaaliya Maxamed Xaaji Cabdinuur ayaa sheegay in dhaawacyada gudaha dalka wax looga qaban Karin xaaladooda caafimaad ay gacan ka geysanayaan sidii caafimaad dibadda ah loogu qaadi lahaa, isagoo shacabka uga tacsiyadeeyay dadkii falkaasi ku dhintay.
“Wasaaradda caafimaadka waxa ay diyaar u tahay in dhaawacyada daran loo qaado dalka dibadiisa, shacabkana waxaan u sheegeynaa in aan garabkooda taaganahay, oo aan la qeybsaneyno xanuunka” ayuu yiri Wasiirka Caafimaadka.
