Wasiirka Wasaaradda Caafimaadka iyo daryeelka bulshada Xukuumadda Federaalka Soomaaliya Dr Cali Xaaji Aadan ayaa Magaalada Doha ee dalka Qatar kula kulmey Wasiirka Caafimaadka ee dalka Qatar Dr Hanan Al-kuwari
Labada mas’uul ayaa kawada hadlay qodobo dhowr ah sida mataaneynta labada wasaaradood, tababaradda iyo fursad siinta Shaqaalaha Caafimaad, taageeridda taqasusyada dhaqaatiirta, gaarsiinta adeeg Caafimaad deegaannada la xoreeyey, iyo in ay naga taageeraan Ambalaasyo, qalabka Isbitaallada iyo dib u dhiska howlgelinta Isbitaallada waaweyn ee aan adeeggoodu dhameystirnayn.
Wasiirka Wasaaradda Caafimaadka iyo daryeelka bulshada xukuumadda Federaalka Soomaaliya Dr Ali Haji Aden iyo dhiggiisa dalka Qatar Dr Hanan Al-kuwari ayaa isla gartay in kulamo kale ay isugu yimaadaan si loo dardargeliyo hirgelinta waxyaabaha leysla soo qaaday.
Dr Ali Haaji Aden Wasiirka Wasaaradda Caafimaadka iyo daryeelka bulshada Xukuumadda Federaalka Soomaaliya ayaa ugu mahadceliyay Dowladda Qatar taageerada joogtada ah ee ay la garab taaganyihiin Hay’adaha Caafimaadka dalkeena waxa uuna bogaadiyey qodobadii kasoo baxay kulanka dhexmaray asaga iyo dhiggiisa dalka Qatar si loo gaaro yoolka horumarineed Caafimaadka dalkeena.
